Rihkkun

Rihkkun lea dahku mii sáhttá ráŋggáštuvvot lága jelgii. Jos leat gierdan rihkkuma berrelit farggamusat almmuhit dan poliisii.

Goaktat lagamus polesstašuvnna jos háliidat rihkkuma almmuhit dahje riŋges 114 14,  poliissa sisriikkalaš telefovdnanummar áššiid dihte mat eai leat heađis. Heahtenummara 112 galgá dušše geavahit heahte heakkaváras.

Ovddaliskkadeapmi

Go rihkkumuš lea dahkkon de poliisa guorahallá mii lea dáhpáhuvvan, ovdamearkka dihte dutkkadusain, iská rihkkunbáikki ja guorahallá teknalaččat. Dat gohčoduvvo ovddaliskka-deapmi, ja láidestuvvo poliissain dahje alaguddiin. Ovddaliskkadeamit leat álu čiegusvuođaáššit.

Poliisa dahje alaguoddi sáhttá mearridit heaittihit ovddaliskkadeami. Dat dahkko dallego ovdamearkka dihte ii sáhte gávdnat doarvái duođaštusaid mearridit sivahusa dahje go váilot iskkadangáldut. 

Maid duopmostuollu bargá?

Jos ovddaliskkadeapmi jotkojuvvo sáhttá bohtosin leat ahte alaguoddi mearrida sivahallat (áššáskuhttit) soapmása rihkkuma dihte. De šaddá gearretdoallu diggerievttis.

Duopmostuolu bargu lea geahččalit jos alaguoddi guorahallamiin sáhttá duođaštit ahte sivahallon lea dahkan dan rihkkuma maid alaguoddi oaivvilda.

Ráŋggáštussáhkkocealkin

Unnit rihkkumiin sáhttá alaguoddi mearridit nu gohčoduvvon ráŋggáštussáhkkocealkima ovdal áššáskuhttima. Dat mearkkaša ahte alaguoddi mearrida gearrega haga ahte eahpiduvvon olmmoš (áššálaš) oažžu sáhkuid. Eaktun dasa lea ahte áššálaš lea miehtan rihkkumiidda. Ráŋggáštussáhkkocealkin lea dábálaš johtolatrihkkumiin, omd. badjelmeari vuoddjin. 




Senast ändrad: 2009-11-27
Dela med andra Skriv ut

Almmut rihkkuma

Loga eanet got almmuha rihkkuma poliissa webbabáikkis (sválddas rahpasa ođđa láses).

Poliissa webbabáikkis lea eanet diehtu got rihkkunguorahallamat čađahuvvojit.